“O, nə etdiyini anlamır” — həkim Trampın əqli vəziyyətindən danışdı

ABŞ prezidenti Donald Trampda idrak funksiyalarının pisləşməsi müşahidə olunur.

DenMedia.az xəbər verir ki, bu barədə “Moskva 24” telekanalına nevroloq Valeri Novoselov məlumat verib. Həkimin fikrincə, Trampın Nobel mükafatını qazanmaq həvəsi onun vəziyyətinin pisləşdiyini göstərir.

“Mənim fikrimcə, o, artıq nə etdiyini anlamır. Məsələn, sülhdən danışmaqla eyni anda nüvə obyektlərini bombalamaq — bu, inanılmaz dərəcədə axmaqlıqdır. Qarşımızda idrak pozğunluğu olan yaşlı bir insan dayanır, amma bu, hələ demensiya səviyyəsinə çatmayıb,” — deyə Novoselov bildirib.

Həkim əlavə edib ki, Trampın idrak pozğunluqları eyni fikirləri təkrarlamaqda və söhbət mövzusundan kənar hadisələrə ilişib qalmaqda özünü göstərir.

“O, tərifə qarşı çox həssasdır, bu da olduqca narahatedici əlamətdir,” — deyə nevroloq vurğulayıb.