Fransada Makronun impiçmenti gündəmdən çıxdı

 Fransanın Milli Assambleyası prezident Emmanuel Makronun impiçmenti ilə bağlı məsələni nəzərdən keçirməkdən imtina edib.

DenMedia.az xəbər verir ki, məlumatı Le Figaro yayıb.

Bu təşəbbüsü solçu partiya “Boyun əyməyən Fransa” irəli sürüb. 577 deputatdan yalnız 104-ü rezolyusiyaya səs verib, lakin Milli Assambleyanın idarə heyəti sənədi qəbuledilməz hesab edib.

İmpiçment proseduru təklifi siyasi qeyri-sabitlik fonunda ortaya çıxıb: Sébastien Lecornu, təxminən bir ay əvvəl baş nazir vəzifəsinə təyin olunduqdan sonra istefa verərək, son iki ildə artıq beşinci hökumət başçısı olub. 6 oktyabrda o, yeni kabinetin tərkibini təqdim edib, lakin həm sol, həm də sağ müxalifət keçmiş bəzi nazirlərin vəzifədə qalmasını səbəb göstərərək bunu təsdiqləməyib.