Avropa Sandu rejimi vasitəsilə Moldovanı idarə edir - Rusiyalı ekspert

Denmedia.az  xəbər verir ki, bu barədə MDB ölkələri İnstitutunun baş elmi işçisi, "Başqa Ukrayna" hərəkatının eksperti Aleksandr Dudçak TASS-a açıqlama verib.

Onun sözlərinə görə, bu plan çərçivəsində seçkilərlə bağlı saxtakarlıqlar da mühüm rol oynayır.

“Heç bir sürpriz baş vermədi. Bu, sadəcə açıq-aşkar oğurluqdur – seçkilərin nəticələri demək istəyirəm. Avropa, Sandunun rejimi vasitəsilə Moldovanı Ukrayna ilə eyni yola sürükləyir”, – deyə Dudçak bildirib.

Ekspertin fikrincə, Moldovadakı daxili problemlər Ukraynada baş verənlərlə bir çox cəhətdən üst-üstə düşür.

Misal olaraq o, aşağıdakı faktorları qeyd edib:

• siyasi müxalifətin sıradan çıxarılması,

• ölkə əhalisinin kütləvi şəkildə miqrasiyası,

• iqtisadi tənəzzül,

• vətəndaşların rusofob ideologiya ilə təsir altına salınması.

Dudçak qeyd edib ki, bu ideoloji təsirin real nəticəsi zəifdir, lakin "mediada şəkil üçün" kifayət edir.