Pezeşkian: “Türk olduğum üçün fəxr edirəm”

İran Prezidenti Məsud Pezeşkian etnik kimliyi ilə bağlı yayılan fərziyyələrə aydınlıq gətirib.

DenMedia.az xəbər verir ki, bu barədə “Azad İran ” “Telegram”kanalı xəbər verir.

“Atam da, anam da türkdür, türk olduğum üçün fəxr edirəm”, – deyə Məsud Pezeşkian vurğulayıb.

Xatırladaq ki, 2024-cü ilin iyulunda keçirilmiş prezident seçkisində islahatçı qanadın namizədi kimi çıxış edən və ikinci turda Səid Cəliliyə qalib gələrək İranın 9-cu prezidenti seçilən Pezeşkian bu vəzifəyə gəlməzdən əvvəl səhiyyə naziri və parlamentin deputatı kimi fəaliyyət göstərib.

Pezeşkian yeddiuşaqlı ailənin beşinci övladıdır. Onun anası Məhbubə Sudbaxş 1930-cu ildə Urmiyada anadan olub. Atası Məhəmməd Əli isə əczaçılıq sahəsində çalışıb. Ailə bir müddət Soyuqbulaq (Mahabad) şəhərində yaşayıb.