Rusiyada yaşayan azərbaycanlıların nəzərinə: Bunun üçün pul ödəyəcəklər

Rusiyalı deputatlar Sergey Neçayev, Sardana Avksentyeva və Amir Xamitov ölkədə işləməyən miqrant ailə üzvlərinin (həyat yoldaşları və uşaqları) qalmasını ödənişli etmək təklifi ilə çıxış ediblər.

Denmedia.az xəbər verir ki, onlar artıq bununla bağlı daxili işlər naziri Vladimir Kolokoltsevə müraciət göndəriblər.

Parlamentarilərin fikrincə, təşəbbüs qanuni məşğulluğu stimullaşdıracaq, büdcəyə yeni gəlirlər gətirəcək və dövlət və cəmiyyətin maraqları arasında tarazlığı saxlamağa imkan verəcək.

Bundan əvvəl “Ədalətli Rusiya” partiyasının sədri Sergey Mironov miqrantlardan “deportasiya depoziti” alınması təşəbbüsünü irəli sürmüşdü. Bu depozit miqrantın qaydaları pozaraq ölkədən çıxarılması zamanı dönüş biletinə sərf olunmalı idi. Mironov həmçinin miqrantların Rusiyada ailəsiz, yalnız vahid iş metodu ilə işləməsinin daha məqsədəuyğun olduğunu bildirmişdi.

Qeyd edək ki, Rusiyada isə 2 milyondan çox azərbaycanlı yaşayır.Publika.az