Trampla görüşdə ortaya çıxdı, Zelenski ilə də ola bilər: Putindən Kremli qorxuya salan hərəkət
Sahnaz
Rusiyanın xarici işlər naziri Sergey Lavrov “NBC News”a müsahibəsində Prezident Vladimir Putinlə ABŞ lideri Donald Tramp arasında keçirilən görüş barədə danışıb. Onun sözlərinə görə, Alyaskada baş tutan danışıqlarda Kreml rəhbəri və Ukrayna Prezidenti Volodimir Zelenskinin görüşü ilə bağlı müzakirə aparılmayıb.
Lavrov Moskvanın Kiyevlə İstanbul formatında təmasları davam etdirməyə hazır olduğunu bildirib.
Denmedia.az xəbər verir ki, Globalinfo.az-a danışan politoloq Zeynal Əmrəliyev deyib ki, Sergey Lavrovun açıqlaması, əslində Rusiya prezidentinin Ukrayna lideri ilə birbaşa təmasdan yayınmasını göstərir:
Bunun bir sıra səbəbləri var. Birincisi, Rusiya tərəfi Ukrayna hakimiyyətinin legitimliyini əsas şərt kimi irəli sürür və məsələni xüsusilə qabardır. Zelenskinin hakimiyyət müddəti başa çatdığından Ukraynada prezident seçkiləri keçirilməlidir. Moskva bunu əlində rıçaq kimi istifadə etmək niyyətindədir.
Zeynal Əmrəliyev
İkincisi, Donald Trampla görüşdə Putinin kifayət qədər yorğun olduğu müşahidə edildi. Özünə qarşı irəli sürülən ittihamlara qeyri-adi reaksiyalar verirdi, normal münasibət sərgiləmirdi. Hiss olunurdu ki, həm mövcud vəziyyət, həm də irəliləyən yaşı onun səhhətinə təsir edib, ciddi yorğunluq yaradıb.
Bütün bunlara görə Moskva birbaşa təmaslardan yayınır. Çünki Zelenski ilə görüş zamanı əsas diqqət, həm iştirakçıların, həm də jurnalistlərin hədəfi məhz Putin olacaq. Bu kimi hallarla üzləşməmək üçün Rusiya rəhbərliyi görüşlərdə İstanbul formatına daha çox üstünlük verir”.
