Azərbaycanda üç kəndə yeni ad verilir

Azərbaycanda Quba rayonunun üç kəndinin adı dəyişdirilə bilər. Bu məsələ 11 mart tarixində Milli Məclisin Toponimiya Komissiyasının iclasında müzakirəyə çıxarılıb. 

DenMedia.az apa-ya istinadən xəbər verir ki, təklifə əsasən, Quba rayonunda bəzi yaşayış məntəqələrinin adları dəyişdiriləcək.

Belə ki:
• Vladimirovka kəndinin adı Elbir olaraq dəyişdirilməsi təklif olunur;
• Alekseyevka kəndinin adı Çınarlı olacaq;
• Timiryazev qəsəbəsinin adı isə Behralı olaraq dəyişdirilməsi planlaşdırılır.