Çeşmədə kameralara tuş gəldi – İbrahim Tatlıses niyə bu qədər arıqlayıb?
Türk musiqisinin unudulmaz simalarından İbrahim Tatlıses yay tətilini keçirdiyi Çeşmədə görüntülənib.
İzmirin məşhur istirahət bölgələrindən biri olan Ilıcaya gedən sənətçi burada bir məkanda vaxt keçirərkən ətrafdakı insanların böyük marağı ilə qarşılaşıb.
Tatlısesi görən bəzi pərəstişkarları onun yanına yaxınlaşaraq söhbət etmək və şəkil çəkdirmək istəyiblər. Sakit şəkildə gününü keçirən sənətçi ona göstərilən marağı geri çevirməyib.
Lakin görüntülərdə İbrahim Tatlısesin əvvəlki dövrlərlə müqayisədə xeyli arıqlaması diqqətdən qaçmayıb. Xüsusilə üz cizgilərinin daha aydın görünməsi pərəstişkarlarının marağına səbəb olub və sənətçinin səhhəti ilə bağlı suallar yaradıb.
Çeşmədə çəkilən görüntülərdən sonra İbrahim Tatlısesin sağlamlıq vəziyyəti ilə bağlı hər hansı açıqlama verib-verməyəcəyi maraqla gözlənilir. Sənətçi hələlik son görüntüləri ilə bağlı açıqlama verməyib.
Keçmişdə yaşadığı sağlamlıq problemlərindən sonra musiqi fəaliyyətini davam etdirən Tatlıses zaman-zaman ictimaiyyət qarşısına çıxır. Ustad sənətçinin Çeşmədəki son görüntüləri də pərəstişkarlarının diqqətini çəkib.
