Haluk Leventin saxlanılmasından sonra Yeşim Salkım “Daha çox şey eşidəcəksiniz” dedi
saida
İstanbul Respublika Baş Prokurorluğu tərəfindən Ahbap Dərnəyi ilə bağlı aparılan istintaq çərçivəsində müğənni Haluk Leventin saxlanılmasından sonra mövzu gündəmdə qalmaqda davam edir.
İstintaq çərçivəsində irəli sürülən iddialar və Leventin köməkçisi ilə yazışdığı iddia olunan mesajlar ictimaiyyətdə müzakirə olunur.
Baş verənlərdən sonra bir çox tanınmış şəxs məsələ ilə bağlı münasibət bildirib. Müğənni Yeşim Salkım da sosial şəbəkə hesabında etdiyi paylaşımı ilə diqqət çəkib.
Daha əvvəl zəlzələ dövründə aparılan yardım fəaliyyətləri ilə bağlı açıqlamalar verən Salkım bu dəfə sərt ifadələr işlədib.
“Zəlzələ vaxtı özümü parçaladım” deyə sözə başlayan Salkım paylaşımında bunları yazıb:
“Siz niyə gördüyünüz hər saqqallını babanız sanırsınız? Bu qaçhaqaçların, bu dərnəklərin təhlükəli olduğunu deyirəm, yox, dostum! ‘Sən haradan bilirsən?’ deyirlər. Bu camiəni məndən soruşarlar, hələ də anlamadınız, deyəsən! Heç yanılmadım, bundan sonra da yanılmayacağam! Hamısının iç üzünü bilirəm! İstər sağçı olsun, istər solçu — marağı olmadıqca heç biri qolunu belə tərpətməz. Amma deyirəm axı, mən hörmətə görə susuram!!! Özümə hörmətimə görə!!!! Siz isə ‘yaxşıyam’ deyən hər kəsin arxasınca əlinizdə duzla qaçmağa davam edin!”
Salkım paylaşımının davamında daha sərt iddialar səsləndirib:
“Daha çox şey eşidəcəksiniz, çox! Onların heç birinin doğru-dürüst ailəsi, təhsili olmayıb! Baxanda onları ‘ulduz’ deyə böyüdürsünüz! Qara pul yuyurlar, qumar oynayırlar, narkotik istifadə edirlər! Amma alqışlamağa davam edin — nə qədər çirklidirsə, o qədər yaxşıdır! Ey Əziz Nesin, böyük adammışsan! Bizdən nə kənd olar, nə də qəsəbə! Oyun davam edir.”
Yeşim Salkımın bu açıqlamaları sosial şəbəkələrdə qısa müddətdə geniş müzakirələrə səbəb olub.
Qeyd edək ki, istintaq mərhələsində irəli sürülən iddialar və sosial şəbəkədə səsləndirilən fikirlər məhkəmə hökmü olmadan şəxsin təqsirli sayılması anlamına gəlmir.
