Azərbaycanda efir qalmaqalı – Müğənnilərə qadağa qoyula bilər

Son günlər efirlərdə müşahidə olunan qalmaqallı situasiyalar yenidən gündəmi zəbt edib. Bu dəfə “Space TV”də yayımlanan “Tarixin bir günü” verilişində müğənnilər arasında yaşanan gərginlik bu tendensiyanın növbəti nümunəsi olub. Proqram zamanı efirdə sözügedən olay görünməsə də, aparıcı Tarix Əliyevin (Tolik) öz “YouTube” kanalında yayımladığı kadrlar baş verənlərin mahiyyətini ortaya qoyub. Məlum olub ki, verilişə müğənni qismində dəvət olunan Firuzə Babayeva ilə Mehriban Qənbərova arasında ciddi mübahisə yaranıb və tərəflər efir mədəniyyətinə uyğun olmayan ifadələrdən istifadə ediblər.

Bu kimi hallar televiziya məkanında hansı məsuliyyəti doğurur? Qalmaqal yaradan qonaqlarla bağlı hansı tədbirlər görülməlidir? Kanallar belə vəziyyətlərin qarşısını necə ala bilər?

O bildirib ki, vətəndaşlar bu cür bayağı kontenti izləməkdən imtina etmədikcə, həmin verilişlərin azalması da çətin olacaq:

“Efirdə dava-dalaşların, söyüşlərin və ümumilikdə qeyri-etik davranışların qarşısını almaq üçün televiziya kanallarının rəhbərliyi daha ciddi nəzarət mexanizmləri tətbiq etməlidir. Ən effektiv üsullardan biri odur ki, efirə çıxan qonaqlar və verilişin komandası əvvəlcədən müəyyən qaydaların qoyulduğu bir sənədi imzalasın. Bu sənəddə hansı fikirlərin səsləndirilməsinin yolverilməz olduğu, hansı mövzular və davranışların qadağan edildiyi açıq şəkildə göstərilməlidir. Üstəlik, hamıya məlumdur ki, hətta canlı yayımlar belə əslində 5-10 dəqiqəlik gecikmə ilə efirə verilir. Zərurət yarandıqda efir rejissoru həmin arzuolunmaz kadrları kəsib çıxara bilər”.

Ramil Süleymanov

Vəkilin sözlərinə görə, burada həm kanal rəhbərliyinin, həm də məsul şəxslərin ciddi öhdəlikləri var:

“Qanunvericilik yalnız efirdə baş verən nalayiq və qeyri-etik davranışlara görə Audiovizual Şura tərəfindən xəbərdarlıq və ya müəyyən müddətə yayımın dayandırılması kimi sanksiyalar nəzərdə tutur. Lakin düşünürəm ki, kanallar özləri də bu sahədə daha ciddi tədbirlər görməli, qaydaları sərtləşdirməli və qonaqları əvvəlcədən məlumatlandırmalıdırlar”.