İlham Əliyev və Mirziyoyev regiondakı vəziyyəti müzakirə etdi
saida
Martın 19-da Azərbaycan Respublikasının Prezidenti İlham Əliyev ilə Özbəkistan Respublikasının Prezidenti Şavkat Mirziyoyev arasında telefon danışığı baş tutub.
Şavkat Mirziyoyev dövlət başçısını və Azərbaycan xalqını qarşıdan gələn Ramazan və Novruz bayramları münasibətilə təbrik edib, ən xoş arzularını çatdırıb.
Prezident İlham Əliyev təbriklərə görə təşəkkür edib, öz növbəsində Şavkat Mirziyoyevi və qardaş özbək xalqını bayramlar münasibətilə təbrik edib, Özbəkistana tərəqqi və rifah arzulayıb.
Telefon danışığı zamanı Azərbaycan-Özbəkistan strateji müttəfiqlik münasibətləri müzakirə olunub, əlaqələrin bütün sahələr üzrə uğurla inkişaf etdiyi vurğulanıb.
Liderlər Yaxın Şərqdə yaranmış vəziyyətlə bağlı narahatlıq ifadə edib, gərginliyin siyasi-diplomatik yollarla azaldılmasının vacibliyini qeyd ediblər.
Söhbət zamanı həmçinin qarşılıqlı maraq doğuran digər məsələlər və gələcək təmaslar ətrafında fikir mübadiləsi aparılıb.
