İlham Əliyevdən bu qurumlarla bağlı - Fərman

“Maliyyə Monitorinqi Xidmətinin fəaliyyətinin təmin edilməsi haqqında” 18 iyul 2018-ci il tarixli Fərmanda dəyişiklik edilib.

“Denmedia.az” xəbər verir ki, bununla bağlı Azərbaycan Prezidenti İlham Əliyev yeni Fərman imzalayıb.

Fərmana əsasən, xidmətin işçilərinin say həddi 55-dən 65-ə çatdırılıb.

Nazirlər Kabineti sözügedən Fərmandan irəli gələn məsələləri həll etməlidir.

Prezidentin imzaladığı digər Fərmana əsasən, Dövlət Turizm Agentliyinin işçilərinin say həddi də artırılıb.

Fərmana əsasən, Dövlət Turizm Agentliyinin işçilərinin say həddi cəmi 165 ştat vahidindən 181-ə, regional turizm idarələri üzrə 88-dən 104 ştat vahidinə artırılıb.