Paşinyanın yalanı ifşa oldu – Ermənistanda 44 günlük müharibə ilə bağlı müəmma

“44 günlük müharibənin qurbanlarının sayı ilə bağlı 9 rəsmi açıqlama var. Heç biri digərinə uyğun gəlmir”.

DenMedia.az   xəbər verir ki, bunu erməni ictimai xadim Edqar Qazaryan deyib.

“Ermənistan Parlamentinin spikeri Alen Simonyan bu yaxınlarda 44 günlük müharibənin qurbanlarının sayının 3833 nəfər olduğunu açıqladı. Bundan əvvəl də rəsmi bəyanatlar olub:

14 aprel 2021-ci ildə Ermənistan Baş naziri Nikol Paşinyan  Milli Assambleyada təxminən 3621 qurban elan etdi.

17 iyun 2021-ci ildə Geqakert kəndində keçirilən seçki kampaniyası zamanı Nikol Paşinyan 3700-ə yaxın qurban olduğunu dedi.

2021-ci il avqustun 24-də Ermənistan Baş naziri Nikol Paşinyan parlamentdə 3773 qurban saydı.

2021-ci il avqustun 26-da Paşinyan rəqəmi 3777-ə qaldırdı.

2022-ci il yanvarın 19-da Baş Nazir 3809 dedi.

2022-ci il, 10 noyabrda Paşinyan Milli Assambleyada 3812 qurban haqqında məlumat verdi.

2025-ci il noyabrın 27-də Alen Simonyan müharibə nəticəsində 3833 nəfərin öldüyünü açıqladı.

Bundan əvvəl Ermənistan Milli Assambleyasının Müdafiə və Təhlükəsizlik Daimi Komitəsinin sədri, eyni zamanda 44 günlük müharibənin vəziyyətini araşdıran Nəzarət Komitəsinin sədri Andranik Köçəryan 3957-dən çox qurbanların sayını açıqlamışdı”.

E.Qazaryan bildirib ki, bu günə kimi 44 günlük müharibə qurbanlarının tam adları da açıqlanmayıb.(Globalinfo.az)