Bakıda iki küçədə hərəkət məhdudlaşdırılacaq
saida
Bakıda təmir işləri ilə əlaqədar iki yol sahəsində nəqliyyat vasitələrinin hərəkəti müvəqqəti məhdudlaşdırılacaq.
Bu barədə Azərbaycan Avtomobil Yolları Dövlət Agentliyi məlumat yayıb.
Məhdudiyyətlər aşağıdakı ərazilərdə tətbiq olunacaq:
Səbail rayonunda — Bünyad Sərdarov küçəsində;
Nəsimi rayonunda — Füzuli küçəsinin Azadlıq prospektindən Rəşid Behbudov küçəsinədək olan hissəsində.
Agentlik sürücüləri müvəqqəti narahatlığa anlayışla yanaşmağa, marşrutlarını əvvəlcədən planlaşdırmağa və mümkün olduqda alternativ yollardan istifadə etməyə çağırıb.
