Sabah Bakıda hava 29 dərəcəyədək isinəcək

Sabah Bakıda və Abşeron yarımadasında hava dəyişkən buludlu, arabir tutqun olacaq, əsasən yağmursuz keçəcək.

Milli Hidrometeorologiya Xidmətinin məlumatına görə, gecə bəzi ərazilərdə duman müşahidə oluna bilər. Şimal-şərq küləyi gündüz cənub-şərq küləyi ilə əvəzlənəcək.

Bakıda və Abşeronda havanın temperaturu gecə 15-18 dərəcə, gündüz isə 24-29 dərəcə isti olacaq.

Atmosfer təzyiqi 762 millimetr civə sütunu, nisbi rütubət isə gecə 60-65 faiz, gündüz 45-50 faiz təşkil edəcək.

Azərbaycanın əksər rayonlarında ciddi yağıntı gözlənilmir. Lakin bəzi dağlıq və dağətəyi rayonlarda qısamüddətli yağış yağa bilər. Ayrı-ayrı yerlərdə yağıntının intensivləşəcəyi, şimşək çaxacağı və dolu düşəcəyi ehtimal olunur.

Gecə və səhər bəzi rayonlarda duman olacaq. Şərq küləyi əsəcək.

Rayonlarda havanın temperaturu gecə 15-19 dərəcə, gündüz 27-32 dərəcə isti olacaq. Dağlıq ərazilərdə gecə 7-12 dərəcə, gündüz 15-19 dərəcə, bəzi yerlərdə isə 21-25 dərəcə isti gözlənilir.

DenMedia.az