Rasim Balayevin məzar abidəsi dövlət hesabına hazırlanacaq

Xalq artisti Rasim Balayevin qəbirüstü abidəsinin xərcləri dövlət tərəfindən qarşılanacaq.

Bunu açıqlamasında Kinematoqrafçılar İttifaqının katibi Əlisa Cabbarov deyib.

Onun sözlərinə görə, abidənin sifarişi ilə bağlı məsələlər ailəsi və aidiyyəti qurumlar tərəfindən razılaşdırma mərhələsindədir.

Qeyd edək ki, R.Balayev martın 29-da İstanbulda müalicə aldığı xəstəxanada vəfat edib. Xalq artisti Birinci Fəxri xiyabanda dəfn olunub.

DenMedia.az