Pikassonun əsəri xeyriyyə üçün lotereyaya çıxarıldı
saida
İspan rəssamı Pablo Pikasso tərəfindən çəkilmiş portreti lotereyada qazanmaq mümkün olacaq — cəmi 100 avroya.
CNN-in məlumatına görə, uduş olaraq təqdim edilən əsər “Femme a la tete” (Qadın başı) adlı tablodur və 1941-ci ildə çəkilib. Dəyəri 1 milyon dollardan çox qiymətləndirilən bu əsər 14 aprel tarixində Parisdə yerləşən Christie’s hərrac evində lotereya yolu ilə oynanılacaq.
Lotereya üçün ümumilikdə 120 min bilet satışa çıxarılıb. Bu isə təşkilatçılara təxminən 12 milyon avro gəlir əldə etmək imkanı yaradır. Toplanan vəsait Alzheimer xəstəliyi üzrə araşdırmalar fonduna yönəldiləcək. Bununla yanaşı, əsərin sahibi olan Opera Qalereyası 1 milyon avro əldə edəcək.
Associated Press xatırladır ki, bu, Picasso əsərlərinin ilk dəfə belə formatda təqdim olunması deyil.
- 2013-cü ildə ABŞ-ın Pensilvaniya ştatından bir texnik “Man in a Hat” (1914) əsərini qazanıb.
- 2020-ci ildə isə İtaliyadan bir mühasib, oğlunun hədiyyə etdiyi bilet sayəsində rəssamın natюрmortunu udub.
Əvvəlki lotereyalardan əldə edilən vəsaitlər Livanda mədəni layihələrin maliyyələşdirilməsinə və Afrikada təmiz su proqramlarına yönəldilmişdi.
