Sevgidə tapmaca oyunu – Münasibətləri zədələyən vərdiş
Münasibətlərdə qarşı tərəfin düşüncələrini və gizli istəklərini təxmin etməsini gözləmək zamanla inamın azalmasına səbəb ola bilər.
Psixoloq Viktoriya Boqunova NEWS.ru-ya açıqlamasında bildirib ki, qadınların kişilərdən demədikləri istəkləri anlamalarını gözləməsi münasibətlərdə mübahisə və narahatlıq yarada bilər.
Mütəxəssis buna sadə bir nümunə göstərib:
“Bayramdan əvvəl qadın heç nə istəmədiyini deyir, lakin hədiyyə almayanda inciyir. Kişi onun sözlərinə əsasən davranır, qadın isə onu heç vaxt dilə gətirmədiyi gözləntilərə görə qiymətləndirir”.
Psixoloqun sözlərinə görə, belə hallar təkrarlandıqda kişi adi söhbətlərdə belə gizli məna axtarmağa başlayır.
“Bu gün deyilən ‘hər şey yaxşıdır’ sözünün sabah mübahisəyə çevriləcəyi qorxusu yaranır. Nəticədə tərəfdaşın dediklərinə inanmaq çətinləşir”, – deyə Boqunova bildirib.
