Faydalıdır, amma bu şirəni acqarına içməyin - FOTO
Çuğundur şirəsinin orqanizm üçün faydalı xüsusiyyətləri ola bilər, lakin onu qəbul edərkən ehtiyatlı olmaq lazımdır.
Dövlət Maarifləndirmə Universitetinin Təbiət Elmləri fakültəsinin dekan əvəzi, bioloq İrina Lyalina NEWS.ru-ya bildirib ki, su ilə durulaşdırılmış çuğundur şirəsi orqanizmə güclü “detoks” təsiri göstərə bilər. Bununla belə, selikli qişaya qıcıqlandırıcı təsir etdiyinə görə onu acqarına içmək məsləhət görülmür.
Mütəxəssisin sözlərinə görə, şəkər çuğunduru B və C vitaminləri, dəmir, maqnezium və fol turşusu ilə zəngindir. Tərkibindəki betain qaraciyərin fəaliyyətini dəstəkləyir və damarların qorunmasına kömək edir. Bununla yanaşı, yüksək qlisemik indeks səbəbindən köp və qanda şəkərin sürətlə yüksəlməsi baş verə bilər.
Lyalina qeyd edib ki, yem çuğunduru isə kobud lif baxımından zəngindir və həzmə kömək edə bilər. Lakin yüksək lif tərkibinə görə insan mədəsi üçün ağır ola bilər.
Onun sözlərinə görə, şəkər çuğundurunu bişirmək və ya sobada hazırlamaq mümkündür. Sobada bişirildikdə faydalı maddələrin daha çox hissəsi qorunub saxlanılır. Çuğunduru vitaminləri qorumaq məqsədilə salatlarda çiy halda da istifadə etmək olar.
Mütəxəssis yem çuğundurunun sərtliyinə görə insanların onu təmiz halda nadir hallarda istifadə etdiyini bildirib. Onu daha çox raqu, şorba və tərəvəz qarışıqlarına əlavə etmək tövsiyə olunur.
