Siqaret yalnız ağciyərlərə deyil, gözlərə də zərər verir...
Siqaret çəkmək təkcə ağciyər və ürəyə deyil, göz sağlamlığına da ciddi zərər verə bilər.
Oftalmoloq bildirib ki, siqaret damarların fəaliyyətini pozur, gözlərin normal qan və oksigenlə təmin olunmasını zəiflədir, həmçinin oksidləşdirici stresi artırır.
Bu vərdiş xüsusilə torlu qişa xəstəliklərinə, kataraktaya və damar pozuntularına irsi meyli olan insanlar üçün daha təhlükəlidir. Siqaret yaşla bağlı göz dəyişikliklərinin yaranma riskini də yüksəldə bilər.
Mütəxəssisin sözlərinə görə, gözlərin sağlam qalması üçün normal qan dövranı, kifayət qədər oksigen və toksik maddələrin daimi təsirindən qorunmaq vacibdir. Buna görə siqaretdən imtina görmə orqanları üçün də mühüm qoruyucu addımdır.
