Xal götürmək təhlükəlidirmi? Dermatoloq açıqladı
saida
Xalların götürülməsi istənilən yaşda həyat üçün təhlükəli deyil.
Bu barədə “Radio 1”ə açıqlamasında dermatoloq-onkoloq Nataliya Qaydaş bildirib.
Həkimin sözlərinə görə, xüsusilə 50 yaşdan yuxarı insanlar arasında xalların götürülməsindən sonra ölüm riskinin yarandığına dair yanlış fikir mövcuddur. Qaydaş bunun mif olduğunu vurğulayıb.
O qeyd edib ki, təhlükə xalı götürməkdə deyil, mümkün dəri xəstəliklərinin gec aşkar edilməsindədir. Həkimin sözlərinə görə, melanoma çox gec mərhələdə müəyyən ediləndə proqnoz əlverişsiz ola bilər, lakin erkən aşkarlanma riskləri azaldır.
Qaydaş həmçinin günəşdən qorunmağın vacibliyini xatırladıb. Onun sözlərinə görə, günəş kremi təkcə üz və çiyinlərə deyil, həm də boyun və dekolte nahiyəsinə çəkilməlidir.
Dermatoloq bildirib ki, günəşdən qorunmamaq erkən yaşlanma və hətta dəri xərçəngi riskini artıra bilər.
Həkim xüsusilə 3 yaşadək uşaqların risk qrupunda olduğunu qeyd edib. Onun sözlərinə görə, erkən yaşda alınan günəş yanıqları gələcəkdə dəri törəmələrinin yaranma riskini ciddi şəkildə artıra bilər.
Mütəxəssis valideynlərə tövsiyə edib ki, 10 yaşadək uşaqlar çimərlikdə yalnız səhər saat 10:30-a qədər və günortadan sonra 15:00-dan sonra olsunlar. Uşaqların günəş altında mütləq papaqla qorunması da vacib sayılır.
