Kanadalı kişi 136 kilo arıqlayıb həyatını dəyişdi

Kanadalı Cessi Malli dörd il ərzində 136 kiloqram arıqlayaraq uğurunun sirlərini açıqlayıb. Bu barədə Daily Mail yazıb.

Məlumata görə, Malli texniki dəstək sahəsində uzaqdan işlədiyi və video oyun asılılığından əziyyət çəkdiyi dövrdə sürətlə kökəlməyə başlayıb. Həmin vaxt o, demək olar ki, hərəkət etmirdi və yalnız zərərli qidalarla qidalanırdı. Nəticədə çəkisi o qədər artıb ki, ev tərəzisi belə onun çəkisini göstərə bilmirdi. Mallinin sözlərinə görə, həmin vaxt təxminən 254 kiloqram çəkisi olub.

Kişi dəfələrlə pəhriz saxlayıb, lakin tez-tez pozduğuna görə yenidən daha çox çəki yığırdı. Hər şey 2022-ci ilin oktyabrında dəyişib. O, YouTube-da “Niyə arıqlaya bilmirsiniz – yeddi səbəb” adlı videoya rast gəlib. Videodan çıxardığı əsas nəticə isə heç vaxt təslim olmamaq olub.

“Hətta irəliləyiş yavaş olsa belə, mənə psixoloji cəhətdən çətin gəlsə belə, bəzən pəhrizi pozsam belə, bilirdim ki, sadəcə təslim olmayacağam”, — deyə Malli bildirib.

Ertəsi gün o, arıqlamağa başlayıb. Malli zülalla zəngin, yağ və karbohidratı az olan qidalarla pəhriz qurub, daha çox pilləkənlə qalxmağa başlayıb və VR eynəyi alıb. Bu cihaz sayəsində oyun oynayarkən belə daha çox hərəkət edə bilib. 2023-cü ilin yanvarından isə idman zalına getməyə başlayıb.

Bu dəyişikliklər nəticəsində Malli 136 kiloqram çəki atmağa nail olub.

2025-ci ildə isə o, qarın, qollar və ayaqlardakı sallanmış dərinin götürülməsi üçün əməliyyat keçirib. Buna baxmayaraq, Malli sağlam həyat tərzini davam etdirir.

“Mən özümü və yeni həyatımı heç vaxt yeməyi sevdiyim qədər sevirəm”, — deyə o bildirib.

DenMedia.az