Dietoloq hansı qidaların narahatlığı artırdığını dedi - FOTO

Qida rasionu narahatlıq səviyyəsinə təsir göstərə bilər.

Bu barədə “ROSBİOTEX” Universitetinin dietologiya kafedrasının dosenti, tibb üzrə fəlsəfə doktoru Anastasiya Lebedeva bildirib.

Onun sözlərinə görə, bağırsağın sağlamlığı insanın psixoloji vəziyyəti ilə sıx bağlıdır. Həzm sistemində problemlər, həmçinin lif, zülal və faydalı yağların çatışmazlığı emosional fonun pisləşməsinə səbəb ola bilər.

Lebedeva qeyd edib ki, ultra emal olunmuş qidaların, kofeinin və enerji içkilərinin tez-tez istifadəsi sinir sisteminə əlavə yük yaradır, kortizol səviyyəsini artırır və nəticədə narahatlıq, ürək döyüntüsünün sürətlənməsi və yuxu problemləri yarana bilər.

Dietoloq əlavə edib ki, şəkərin və sürətli karbohidratların həddindən artıq qəbulu qanda qlükozanın əvvəlcə artmasına, daha sonra isə kəskin azalmasına səbəb olur. Bu isə əsəbilik və narahatlıq hissinin güclənməsi ilə nəticələnə bilər.

Denmedia.az