Yazda niyə daha çox xəstələnirik?

Terapevt Andrey Zvonkov “Radio 1”ə müsahibəsində bildirib ki, yaz fəslində insanların tez-tez xəstələnməsinin əsas səbəblərindən biri hava şəraitinə uyğun geyinməməkdir.

Onun sözlərinə görə, bu dövrdə bir çox insan şapka və şərf taxmaqdan imtina edir, çünki yazın tez gəlməsini istəyir və havanın daha isti olduğunu düşünür.

“Sanki şaxtalar artıq yoxdur, hər şey əriyir. Amma problem təkcə soyuqda deyil. İnsanlar yazı tələsdirir və özlərini daha isti hiss etmək istəyirlər. Halbuki temperatur hələ yüksək deyil. Onlar üst geyimini açıq saxlayır, baş geyimi və şərf taxmırlar. Bu isə bədənin soyumasına və immunitetin zəifləməsinə səbəb olur”, — deyə Andrey Zvonkov bildirib.

Həkim həmçinin qeyd edib ki, yaz aylarında vitamin ehtiyatlarının azalması da immun sistemini zəiflədir. Onun sözlərinə görə, istixana şəraitində yetişdirilən tərəvəz və meyvələrdə vitaminlər daha az olur, bu da orqanizmin müqavimətini azalda bilər.

Denmedia.az