Pəhriz pozuldu? Özünü qınama

Diyetoloq və nutrisioloq Yuliya Kaşapova bildirib ki, pəhriz zamanı pozuntu baş verərsə, ən vacib addım özünü günahlandırmamaqdır. O, LIFE.ru-ya açıqlamasında qeyd edib ki, bu məqamı “sıfır gün” kimi qəbul etmək və yenidən başlamaq olar.

“Pozuntu faktını mühakimə etmədən qəbul edin. Vəziyyəti sakit və obyektiv qiymətləndirin. Özünüzü qınamayın. Qidalanma vərdişlərini dəyişərkən səhvlər qaçılmazdır. Baş verəni dərk etmək nəzarəti bərpa etməyin ilk addımıdır.”

Kaşapovanın sözlərinə görə, belə vəziyyətdən sonra özünə bir neçə sual vermək lazımdır:
– Pozuntudan əvvəl nə baş vermişdi?
– Əhval-ruhiyyə necə idi?
– Qidalanma planı real və davamlı idimi?

Mütəxəssis vurğulayıb ki, emosional vəziyyət və həddindən artıq sərt pəhriz planları çox vaxt nəzarətin itirilməsinə səbəb olur. Əsas məsələ özünü cəzalandırmaq yox, vəziyyəti analiz edib yenidən balans tapmaqdır.

DenMedia.az