Bir gün keçdisə, yeməyin: Dünənki salatlar sağlamlıq üçün risk yaradır

SM-Klinikanın həkim-diyetoloqu Nadejda Litvinova-Qrazion Yeni il salatlarını səhər yeməyində yemək vərdişinin mümkün riskləri barədə danışıb. O, hazır yeməklərin az görünən təhlükələri haqqında Lenta.ru ilə söhbətində xəbərdarlıq edib.

Mütəxəssisin sözlərinə görə, əsas problem hazır yeməklərdə bakteriyaların sürətlə çoxalmasıdır. Xüsusilə mayonez, xama, yumurta, ət, kolbasa və ya balıq olan salatlarda stafilokokk, salmonella, bağırsaq çöpləri və müxtəlif klostridiya növləri tez yayılır.

Onun bildirdiyinə görə, xarab olmuş yeməklər qida zəhərlənməsinə səbəb ola bilər. Patogen mikroorqanizmlər ürəkbulanma, qusma, ishal, qarında ağrı və spazmlar, bədən temperaturunun yüksəlməsi kimi əlamətlər yarada bilər. Ağır hallarda isə susuzlaşma və elektrolit balansının pozulması müşahidə olunur ki, bu da başgicəllənmə, güclü halsızlıq və ürək ritminin pozulmasına gətirib çıxara bilər.

Litvinova-Qrazion vurğulayıb ki, hətta soyuducuda belə təhlükəli mikroorqanizmlər çoxala bilər, xüsusilə temperatur normalara uyğun deyilsə və ya yemək hazırlanarkən kifayət qədər təzə məhsullardan istifadə olunmayıbsa. Onun sözlərinə görə, salatları növbəti gün yemək yalnız o halda mümkündür ki, yemək bütün müddət ərzində +4°C-dən yüksək olmayan temperaturda saxlanılsın və hazırlanmasından 24 saatdan çox vaxt keçməsin. Əks halda bu cür yeməklərdən imtina etmək tövsiyə olunur.

DenMedia.az