COVID-19-un gizli təhlükəsi: ürək xəstəliklərini kəskinləşdirir

COVID-19 infeksiyası ürək-damar xəstəliklərinin yaranmasını və kəskinləşməsini sürətləndirən əsas amillərdən biri olub. Bu barədə MK v Krymu nəşrinə açıqlamasında Semasko adına Respublika Klinik Xəstəxanasının kardioloji dispanserinin müdiri, tibb elmləri namizədi Valeri Sadovoy bildirib.

Onun sözlərinə görə, xəstəliyin səbəblərini hər zaman dərhal müəyyənləşdirmək mümkün olmurdu.

“Həyati təhlükə yaradan ürək-damar ağırlaşmaları ilə daxil olan pasienti xilas etmək lazım olurdu — burada və indi. Yalnız sonradan, diqqətli təhlil zamanı məlum olurdu ki, bu vəziyyətin ilkin səbəbi məhz COVID-19 infeksiyasıdır”, — deyə Sadovoy qeyd edib.

Kardioloq vurğulayıb ki, pandemiya dövründə xəstəxanalara ürək-damar sistemi xəstəlikləri olan pasiyentlərin sayı xeyli artmışdı. Onun fikrincə, COVID-19 xroniki xəstəliklərin proqressiyasını gücləndirən faktor kimi çıxış edib.

DenMedia.az