"Sonra edərəm” düşüncəsi niyə həyatını çətinləşdirir?

"Bir az arıqlasam, daha bir təlim kursu keçsəm, layihəni bitirsəm və o zaman... Özünüzü bu cür fikirlərdə yaxalayırsınızmı? Ola bilsin ki, siz təxirə salınmış həyat sindromu ilə qarşılaşmısınız. Bu nədir, onu necə tanımaq olar və dəyişikliklər qorxusunu dəf etməyə nə kömək edə bilər?"

Təxirə salınmış həyat sindromu nədir?

Bu, daim vacib qərarları “sonra edərəm” deyib təxirə salmaq vərdişidir. İnsan özünə inamsızlıq hiss edərkən, uğursuzluqdan qorxaraq, həqiqətən önəmli və perspektivli addımlardan geri çəkilir. Bu, yeni iş, münasibətlər, hobbi, idman – istənilən sahədə özünü göstərə bilər.

Daha çox perfeksionistlər bu sindroma tutulur. Onların devizi sanki belədir: “Ya mükəmməl, ya heç nə!”
Məsələn: “Rəqsə gedəcəyəm, amma bir az arıqlayım”, “CV-ni göndərəcəyəm, amma əvvəlcə daha bir kurs oxuyum”.

Niyə hər şeyi “sonra” edirik?

Ən geniş yayılmış səbəb — başqalarının fikrindən qorxmaqdır. “İnsanlar nə düşünər?” — bu sual həm şəxsi, həm sosial, həm də peşəkar həyatda bizi geri saxlayır.

Digər səbəb — beynimizdə ilişib qalan “mənlik deyil”, “mən bacarmaram”, “bu yaşda gecdir” kimi yalan inanclardır.

Həqiqətə uyğun hədəfləri necə anlamaq olar?

Biz bəhanə gətirəndə bunu özümüzə belə izah edirik: təhsil alıram, bilik toplayıram, deməli irəli gedirəm. Əslində isə beyin özünü aldatma mexanizmini işə salır.

Kursu bitirəcəksiniz, təcrübə toplayacaqsınız — amma paralel olaraq artıq başlamaq mümkündür. Əvvəl hər şeyi mükəmməl bilmək şərt deyil. Bir çox şey prosesin içində öyrənilir.

Necə başlamalı?

Düşünün: sizi saxlayan səbəblər nədir? Kağıza yazın. Sonra isə hər səbəbə real yanaşın:

• Bilik çatmırsa — öyrənə-öyrənə başlamaq mümkündür.

• Uğursuzluqdan qorxursunuzsa — kiçik addımlar atın.

• “İnsanlar nə deyəcək?” deyirsinizsə — öz həyatınızı yaşadığınızı unutmayın.

Plan qurun

Özünüzə konkret tarix təyin edin və geriyə yol qoymayın. Hər addım sizi özünüzə yaxınlaşdırır: yeni təcrübə, yeni imkanlar, inkişaf və özünüzə təşəkkür hissi.

DenMedia.az