Mağaza yoqurtları qaraciyərə zərər vurur? Nütrisioloq təhlükəni açıqladı

Yoqurt həzm üçün həmişə faydalı olmur. NEWS.ru-ya danışan qidalanma mütəxəssisi Yuliya Popova bildirib ki, bəzi yoqurtlar qaraciyərə ciddi zərər vurur və eyni zamanda qan lipid profilini pisləşdirir.

Niyə mağaza yoqurtları qaraciyərə zərər verə bilər?

Təhlükə yoqurtun süd mənşəli olmasında deyil. Problem o zaman yaranır ki, insan rasionunda yalnız mağazalarda satılan, tərkibi şübhəli olan, xüsusilə də çoxlu əlavə şəkər, aromatizatorlar və qatılaşdırıcılar olan yoqurtlar yer alır.

Faydalı yoqurtu necə seçmək olar?

Nütrisioloq deyir ki, mağazada doğru yoqurt tapmaq mümkündür — əsas odur ki, qablaşdırmanı düzgün oxumağı bacarasan.

Ən ideal yoqurtun tərkibində cəmi iki inqrediyent olmalıdır: süd və mayalanma.

Yoqurtun yağlılığı isə onu yeyəcək şəxsin ehtiyacına görə seçilir, lakin optimal diapazon 2,5–4,5% hesab olunur.

Təbii yoqurtun bir başqa fərqi — yararlılıq müddətidir. Belə ki, o maksimum 14 gün təzə qalır. Əgər məhsul aylarla saxlanırsa, deməli tərkibində konservantlar var.

Şirin yoqurtu nə ilə əvəz etmək olar?

Bir çox insan təbii yoqurtun turş dadını sevmir. Onu daha şirin və ləzzətli etmək üçün əlavə etmək olar:

• təzə və ya dondurulmuş giləmeyvələr
• meyvə parçaları
• qoz-fındıq
• bir çay qaşığı bal

Denmedia.az