Uroloq potensiya pozğunluğunun ilkin əlamətlərini sadaladı

Sidiyə çıxmaqda çətinlik bəzən impotensiyanın ilkin əlaməti ola bilər.

DenMedia.az xəbər verir ki, bunu uroloq-androloq Artur Boqatıryov “Qazeta.Ru”-ya müsahibəsində bildirib.

Onun sözlərinə görə, tez-tez sidiyə çıxmaq, zəif axın və ya ağrı hissi prostat vəzinin disfunksiyasına işarə edə bilər, bu da ereksiyanın pozulmasına gətirib çıxarır.

“Daha aydın simptomlar arasında kişinin intim sahəyə marağının azalması, ereksiyanın zəifləməsi və ya qeyri-sabitliyi, həmçinin boşalma zamanı çətinlik və ya onun tam yoxluğu göstərilə bilər,” — deyə həkim izah edib.

Mütəxəssis qeyd edib ki, bu əlamətlərin olması hələ impotensiya demək deyil.
Ancaq belə dəyişikliklər müşahidə olunarsa, uroloqa müraciəti təxirə salmaq olmaz.
Vaxtında diaqnostika və müalicə kişi sağlamlığını qorumaqda əsas rol oynayır.