ABŞ-da əmək bazarı nə qədər sağlamdır?
saida
ABŞ-da işsizlik müavinəti üçün ilk dəfə müraciət edənlərin sayı azalıb. ABŞ Əmək Nazirliyinin məlumatına görə, ötən həftə bu göstərici 10 min nəfər azalaraq 214 minə düşüb. Bir həftə əvvəl müraciətlərin sayı 224 min təşkil edirdi.
Qeyd olunur ki, analitiklərin proqnozu müraciətlərin 223 minə enəcəyini nəzərdə tuturdu. Faktiki göstərici isə gözləntilərdən daha müsbət olub.
Daha sabit hesab edilən son dörd həftə üzrə orta göstərici də azalaraq 216,75 minə düşüb. Bir həftə əvvəl bu rəqəm 217,5 min idi.
Bununla yanaşı, işsizlik müavinətini almağa davam edənlərin sayı artıb. 13 dekabrda başa çatan həftədə bu göstərici 1 milyon 923 min nəfərə yüksəlib. Bir həftə əvvəl bu rəqəm 1 milyon 885 min olaraq qeydə alınmışdı.
Mütəxəssislər bildirirlər ki, ilk müraciətlərin azalması əmək bazarında nisbi sabitlikdən xəbər versə də, müavinət alanların sayının artması bazarda hələ də müəyyən risklərin qaldığını göstərir.
