“Kamp Nou”da siyasi etiraz: Minlərlə Kataloniya bayrağı açıldı
“Barselona” azarkeşləri “Atletik Bilbao” ilə ev oyunundan əvvəl və matç zamanı İspaniyaya və ölkə yığmasına qarşı təhqiramiz şüarlar səsləndirib, Kataloniyanın müstəqilliyini tələb ediblər. El País-in məlumatına görə, tribunalarda Kataloniya müstəqilliyinin simvolu olan minlərlə “estelada” bayrağı açılıb.
Matçın 17-ci dəqiqə 14-cü saniyəsində azarkeşlər “Müstəqillik!” şüarı səsləndiriblər. Bu vaxt seçimi təsadüfi olmayıb: 1714-cü ilə, Barselonanın İspaniya qüvvələri tərəfindən ələ keçirilməsi ilə əlaqələndirilən tarixi hadisələrə işarədir. El País qeyd edir ki, 17:14-də bu şüarın səsləndirilməsi “Kamp Nou”da Kataloniya müstəqilliyi tərəfdarları arasında illərdir formalaşmış ənənədir.
Aksiya “Elçe” – “Barselona” matçı ərəfəsində Kataloniya müstəqilliyini dəstəkləyən bayraqlarla bağlı polis müdaxiləsindən sonra təşkil olunub. “Barselona” prezidenti Joan Laporta baş verənlərə etiraz edib, klub isə stadiondakı aksiyaya dəstək verib. Kataloniya Milli Assambleyası matç üçün təxminən 10 min “estelada” bayrağı paylayıb.
Bundan başqa, “Barselona” 2026-cı il dünya çempionatında İspaniya millisinin heyətində qızıl medal qazanan futbolçularının şərəfinə keçirilməsi planlaşdırılan mərasimi ləğv edib.
