Dünya çempionatında ilk 1/8 finalçı Kanada oldu
saida
Kanada millisi futbol üzrə dünya çempionatının 1/16 final mərhələsində Cənubi Afrika Respublikasını 1:0 hesabı ilə məğlub edib. Qarşılaşma Los-Ancelesdə keçirilib.
Kanadaya qələbə gətirən yeganə qolu ikinci hissəyə əlavə olunmuş vaxtın ikinci dəqiqəsində Stiven Eustakio vurub. Bu nəticədən sonra Kanada turnirdə 1/8 finala yüksələn ilk komanda olub.
Kanada millisinin kapitanı Alfonso Deyvis bu oyunda turnirdə ilk dəfə meydana çıxıb. Daha əvvəl Almaniyanın “Bavariya” klubunda çıxış edən futbolçu zədə səbəbindən əvvəlki görüşləri buraxmışdı.
Qarşılaşmadan əvvəl Kanada B qrupunu ikinci, Cənubi Afrika Respublikası isə A qrupunu ikinci pillədə başa vurmuşdu. Beləliklə, hər iki komanda dünya çempionatının pley-off mərhələsinə ilk dəfə vəsiqə qazanmışdı.
Növbəti mərhələdə Kanada Niderland–Mərakeş matçının qalibi ilə qarşılaşacaq. Bu oyun iyunun 29-da keçiriləcək. 1/8 final görüşü isə iyulun 4-də Hyustonda baş tutacaq.
