Cokoviç Avstraliya Açıq Çempionatında dördüncü mərhələyə yüksəldi
saida
Serbiyalı tennisçi Novak Cokoviç 2026-cı il Avstraliya Açıq Çempionatının (Australian Open) dördüncü mərhələsinə yüksəlib.
Üçüncü mərhələnin oyununda serbiyalı idmançı Niderland təmsilçisi Botic van de Zandschulp üzərində qələbə qazanıb. 2 saat 44 dəqiqə davam edən qarşılaşma üç setdə başa çatıb — 6:3, 6:4, 7:6.
Bu qələbə Cokoviç üçün Böyük Dəbilqə turnirlərində 400-cü qələbə olub və o, bu göstəriciyə çatan tarixdə ilk tennisçidir. Böyük Dəbilqə matçlarında qələbələrin sayına görə ikinci yerdə Roger Federer (369 qələbə), üçüncü yerdə isə Serena Williams (367 qələbə) qərarlaşıb.
Novak Cokoviç ATP-nin Yekun Turnirinin yeddiqat qalibi, 102 ATP turnirinin qalibidir (onlardan 101-i təkbətək mübarizədə). O, təkbətək yarışlarda Böyük Dəbilqə turnirlərinin sayına görə rekordçudur — 24 titul (qadın və kişilər arasında Margaret Court ilə birlikdə). Həmçinin Cokoviç peşəkar reytinqlərdə birinci pillədə ən çox həftə qalan tennisçi rekorduna sahibdir — 428 həftə.
