Kuba ABŞ təhlükəsinə hazırlaşır – hərbi hazırlıq artırılır

Kuba ABŞ tərəfindən mümkün hərbi müdaxiləyə hazırlaşdığını açıqlayıb. Bu barədə ölkənin xarici işlər nazirinin müavini Karlos Fernandes de Kossio NBC News-a bildirib.

Onun sözlərinə görə, mövcud qlobal vəziyyəti nəzərə alaraq belə hazırlıqların olmaması “sadəlövhlük olardı”.

“Silahlı qüvvələrimiz həmişə hazırdır və hazırda mümkün hərbi aqressiya ehtimalına qarşı hazırlıq görür”, – deyə o vurğulayıb.

Bununla yanaşı, Havana rəsmiləri qeyd ediblər ki, məsələnin sülh yolu ilə həllinə ümid edirlər və işğal üçün real səbəb görmürlər.

DenMedia.az