Tehran qisas əməliyyatına başladı: Laricaninin ölümü cavabsız qalmadı

İranın paytaxtı Tehran çərşənbə gecəsi İsrailə qarşı yeni raket zərbələri dalğasına başlayıb və bunu Əli Laricaninin ölümü ilə bağlı qisas kimi təqdim edib.

Bu barədə İranın dövlət mediasına istinadən məlumat yayılıb.

İranın İnqilab Keşikçiləri Korpusu İsrailə qarşı genişmiqyaslı raket hücumunun Laricaninin ölümünə cavab olaraq həyata keçirildiyini bildirib.

Məlumata görə, hücum zamanı “Xorrəmşəhr-4” və “Qədr” tipli, bölünən döyüş başlıqlı raketlər buraxılıb və Təl-Əviv yaxınlığındakı ərazilər hədəfə alınıb.

İranın Fars agentliyi bildirir ki, hücum nəticəsində İsrailin mərkəzində 100-dən çox hərbi və təhlükəsizlik obyekti vurulub.

Digər tərəfdən, İsrailin Channel 12 telekanalı xəbər verir ki, son raket zərbələri nəticəsində ölkənin mərkəzində yerləşən Kafr Kasem şəhərində azı dörd obyektə ziyan dəyib.

Bildirilir ki, yaxınlıqdakı Ramat-Qan şəhərində isə qəlpə yaralarından iki nəfər həlak olub.

DenMedia.az