NYT İranın müharibədə istifadə etdiyi “ölümcül silahdan" yazdı
saida
ABŞ-ın The New York Times qəzeti İranın münaqişədə “ölümcül silahdan” istifadə etdiyini yazıb.
Nəşr bildirir ki, ABŞ və İsrail ilə qarşıdurma fonunda İranın istifadə etdiyi dronlar çoxsaylı ABŞ hərbi obyektlərinə zərbə endirib.
Məqalədə qeyd olunur ki, ABŞ prezidenti Donald Trump bu müharibədə İranın ballistik raket ehtiyatlarının və buraxılış qurğularının məhv edilməsini əsas prioritet elan edib.
“Prezident Trump İranın ballistik raket ehtiyatlarının və buraxılış qurğularının məhv edilməsini bu müharibənin əsas vəzifəsi edib. Lakin Tehran daha bir ölümcül silahdan istifadə etdi”, — deyə nəşr yazır.
The New York Times vurğulayır ki, son on ildə pilotsuz uçuş aparatları müharibənin xarakterini ciddi şəkildə dəyişib. Nisbətən ucuz istehsal olunması və istifadəsinin asan olması səbəbindən dronlar müasir döyüş meydanlarında mühüm rol oynayır.
Məqalədə bildirilir ki, İran illər əvvəl hazırladığı “Shahed” pilotsuz uçuş aparatları sistemindən indi müxtəlif hərbi hədəflərə zərbələr endirmək üçün istifadə edir.
