Zimbabvedə dəhşətli bərə qəzası: 72 nəfər həyatını itirdi
Zimbabvedə Kariba gölündə bərənin çevrilməsi nəticəsində ölənlərin sayı 72-yə çatıb. Xilasetmə və axtarış işləri davam edir.
Hadisə güclü külək və dalğalar zamanı baş verib. İlkin məlumatlara görə, bərədə 150-dən çox insan ola bilərdi. Gəminin icazə verilən tutumu isə 90 nəfər idi.
Rəsmilərin məlumatına görə, 77 nəfər xilas edilib. Bərədə uşaqların bilet almadan valideynləri ilə birlikdə olması səbəbindən sərnişinlərin dəqiq sayı hələ müəyyənləşdirilməyib.
Faciə nəticəsində ən azı 18 uşağın da öldüyü bildirilir. Axtarış əməliyyatı davam edir.
