Cəlilabadda minik maşını 8 yaşlı uşağı vurdu

Cəlilabad rayonunda azyaşlının xəsarət alması ilə nəticələnən yol-nəqliyyat hadisəsi baş verib.

DenMedia.az lent.az-a istinadən xəbər verir ki, qəza Ələt–Astara magistral yolunun rayonun Göytəpə şəhəri ərazisindən keçən hissəsində qeydə alınıb.

İlkin məlumata əsasən, hərəkətdə olan minik avtomobili 2018-ci il təvəllüdlü S. Mustafayevi vurub.

Müxtəlif dərəcəli bədən xəsarətləri alan azyaşlı Cəlilabad Rayon Mərkəzi Xəstəxanasına çatdırılıb. Həkimlərin verdiyi məlumata görə, onun vəziyyəti ağırdır.

Faktla bağlı araşdırma aparılır.