Şəmkirdə "Ford" "KamAZ"a çırpıldı - Ölən var

Şəmkirdə ölümlə nəticələnən yol-nəqliyyat hadisəsi baş verib.

DenMedia.az "Qafqazinfo"ya istinadən xəbər verir ki, hadisə Bakı-Qazax magistral yolunun rayon ərazisindən keçən hissəsində qeydə alınıb.

"Ford Transit" markalı avtomobil "KamAZ" markalı yük avtomobilinin qoşqusuna çırpılıb.

Nəticədə "Ford" markalı avtomobilin sürücüsü, Daşkəsən rayon sakini, 2001-ci il təvəllüdlü Rəşad İbrahimov hadisə yerində ölüb.

Faktla bağlı araşdırma aparılır.