ABŞ hərbçiləri narkotik daşıyan qayığı vurdu

ABŞ hərbçiləri narkotik daşınmasında iştirak etdiyi ehtimal olunan qayığa zərbə endirib. Nəticədə 1 nəfər ölüb, 2 nəfər sağ qalıb.

Bu barədə Pentaqonun Cənub Komandanlığı SOUTHCOM sosial şəbəkə hesabında məlumat yayıb.

Hərbçilərin məlumatına görə, qayıq Sakit okeanın şərq hissəsində narkotik qaçaqmalçılığı üçün istifadə olunan məlum marşrutlarla hərəkət edib və qadağan olunmuş maddələrin daşınması əməliyyatlarında iştirak etdiyi iddia olunur. Bu məlumatın kəşfiyyat tərəfindən təsdiqləndiyi bildirilib.

Zərbə nəticəsində qayıqda olan şəxslərdən biri öldürülüb.

“Bu əməliyyat zamanı bir kişi narkoterrorçu öldürülüb, iki nəfər isə sağ qalıb”, — məlumatda qeyd olunub.

ABŞ Sahil Mühafizəsi sağ qalan iki nəfərlə bağlı məlumatlandırılıb və onların axtarışına başlanılıb.

DenMedia.az