41 yaşlı iş adamı Sumqayıtda ölü tapıldı

Sumqayıtda fərdi yaşayış evində kişi meyiti tapılıb.

DenMedia.az “nocomment.az”a istinadla xəbər verir ki, hadisə şəhərin Corat bağlarında yerləşən fərdi yaşayış evlərinin birində qeydə alınıb.

Belə ki, 41 yaşlı Elməddin Ağayevin cansız bədəni qonşuları tərəfindən aşkar edilib. Sakinlər hadisə ilə bağlı dərhal hüquq-mühafizə orqanlarına məlumat veriblər.

Qeyd edək ki, dünyasını dəyişən şəxs Sumqayıtda təkər satışı və xidməti (təkər biznesi) ilə məşğul olan sahibkar olub.

Hazırda faktla bağlı hüquq-mühafizə orqanları tərəfindən araşdırmalar aparılır.