Toyda qalmaqal: qadın baldızından belə qisas aldı - FOTO

Metro xəbər verir ki, Britaniyalı qadın baldızından qisas almaq üçün bir il gözləyib.

Hadisə Kent qraflığında baş verib. Məlumata görə, qadın baldızını toy günü — gəlin 1800 funt sterlinq dəyərində gəlinlik geyimində altar istiqamətində gedərkən — üzərinə qara boya tökərək hücum edib. 

Bildirilir ki, bu addım bir il əvvəl baş verən hadisə ilə bağlı olub. Həmin qadın öz toyunda baldızının ona qəsdən mane olduğunu düşünərək bunu qisas kimi edib. Münaqişə zamanla gizli düşmənçiliyə çevrilib.

Hadisə nəticəsində gəlinin paltarı yararsız hala düşüb və boya gözünə də sıçrayıb. Buna baxmayaraq, gəlin sakitliyini qoruyaraq mərasimi yarımçıq qoymayıb və dəvətlilərdən birinin paltarını geyinərək nikah mərasimini davam etdirib.

Gəlin bildirib ki, hətta tamamilə çirkli vəziyyətdə və ya paltarsız belə olsa, yenə də evlənərdi.

DenMedia.az