Ata oğlunu furqonda gizlətdi: Fransadan sarsıdıcı hadisə
saida
Fransada polis doqquz yaşlı oğlanı bir ildən çox müddətə furqonda kilidləyən atanın əlindən xilas edib, bu barədə Fransanın BFM TV telekanalı xəbər verir. Onun məlumatına görə, uşaq 2024-cü ilin dekabrından etibarən saxlanılıb.
Oğlan qonşunun həyətdə park edilmiş avtomobildən gələn şübhəli səsi eşitməsindən sonra xilas edilib. Hadisə yerinə gələn polis əməkdaşları furqonun içində yorğan altında, nəcis içində uzanan çılpaq uşağı aşkar ediblər. Uşaq son dərəcə zəif, solğun və qorxmuş vəziyyətdə olub. O dərhal xəstəxanaya yerləşdirilib.
Zərərçəkmişin sözlərinə görə, o, dekabr ayından bəri kilid altında saxlanılıb və bu müddət ərzində elementar gigiyena vasitələrindən məhrum edilib. Uşağın atası bildirib ki, bu addımı oğlunu guya ögey anasından qorumaq üçün atıb, çünki qadın uşağı psixiatriya xəstəxanasına yerləşdirmək istəyirmiş. Kişi və onun partnyoruna adam oğurluğu, qanunsuz azadlıqdan məhrum etmə və valideyn vəzifələrini yerinə yetirməmə ilə bağlı ağır ittihamlar irəli sürülüb. Digər uşaqlar dərhal ailədən götürülərək dövlət himayəsinə, uşaq evinə verilib.
