Göygöldə ağır yol qəzası: Çoxlu sayda yarlı var...

Göygöldə avtomobillər toqquşub, 3 nəfər xəsarət alıb

Denmedia.az xəbər verir ki, adisə Göygöl şəhərində qeydə alınıb.

"Chevrolet" və "VAZ-21021" markalı avtomobillərin toqquşması nəticəsində, 2000-ci il təvəllüdlü Ə.İsmayılov, 2005-ci il təvəllüdlü A.Rüstəmov və 1984-cü il təvəllüdlü K.Nəcəfov müxtəlif dərəcəli bədən xəsarətləri alıblar.

Zərərçəkənlər Göygöl Mərkəzi Rayon Xəstəxanasına çatdırılıblar.

TƏBİB-dən bildirilib ki, rayon ərazisində baş verən yol-nəqliyyat hadisəsi ilə əlaqədar olaraq 3 nəfər (kişi) Göygöl Rayon Mərkəzi Xəstəxanasına hospitalizasiya olunub.

Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müalicələri davam etdirilir, vəziyyətləri orta ağır qiymətləndirilir.

Faktla bağlı araşdırma aparılır.