“Oskar”a namizəd ssenarist İranda saxlanıldı

İranda “Oskar” mükafatına namizəd ssenarist Mehdi Mahmudyan saxlanılıb. The New York Times yazır ki, Mahmudyan hökumətin etirazlara qarşı sərt davranışını tənqid edən bəyanata imza atdığına görə həbs edilib.

Nəşrin məlumatına görə, “Oskar”a namizəd irançı ssenarist həftəsonu hökuməti etirazların qəddar şəkildə yatırılmasına görə qınayan müraciəti imzaladıqdan sonra saxlanılıb.

ABŞ-da yerləşən Human Rights Activists təşkilatının bildirdiyinə əsasən, Mahmudyan həmin məktubu imzalayan və son günlər saxlanılan bir neçə şəxsdən biridir. Bəyanatın altında tanınmış hüquqşünaslar, sənət adamları və fəallar daxil olmaqla 17 nəfərin imzası olub.

Hazırda Mahmudyanın və digər imzaçıların harada saxlanıldığı barədə dəqiq məlumat verilmir. Onlara qarşı irəli sürülən ittihamların detalları da açıqlanmayıb.

DenMedia.az