Sumqayıt xəstəxanasında 27 yaşlı hamilə qadının müəmmalı ölümü – Zərifə Əliyevanın FOTOSU

Sumqayıt şəhərində xəstəxanada baş verən ölüm hadisəsi cəmiyyətdə ciddi rezonans doğurub.

Denmedia.az xəbər verir ki, gənc hamilə qadının ölümü ilə bağlı daha çox səhlənkarlıq iddiaları gündəmə gəlib.

Xəbər verdiyimiz kimi , 27 yaşlı Zərifə Əliyeva Sumqayıtda yerləşən 2 nömrəli doğum evi kimi tanənan xəstəxanada həyatını itirib. Mərhumun 8 həftəlik əkiz hamilə idi. 

Yaxınlarının sözlərinə görə, Zərifə Əliyeva səhhətində yaranan narahatlıq səbəbilə xəstəxanaya aparılıb. Aparılan ilkin müayinələrdən sonra onun hamilə olduğu müəyyən edilib. Ailə iddia edir ki, həkimlər qadının vəziyyətini düzgün qiymətləndirməyib və həyata keçirilən tibbi müdaxilədən sonra onun səhhəti qəfil ağırlaşıb.

Hadisədən sonra Zərifə Əliyevanın həyatını xilas etmək mümkün olmayıb. Ailə üzvləri bildirir ki, mərhum iki azyaşlı uşaq anası olub və tam sağlam vəziyyətdə xəstəxanaya daxil olub.

Mərhumun yaxınları baş verənlərdə həkim səhlənkarlığı olduğunu deyir və məsul şəxslərin cəzalandırılmasını tələb edirlər. Onların sözlərinə görə, xəstəxanada vaxtında və düzgün tibbi yardım göstərilməyib.

Faktla bağlı hüquq-mühafizə orqanları tərəfindən araşdırmaya başlanılıb. Ölümün dəqiq səbəbinin müəyyən edilməsi məqsədilə məhkəmə-tibbi ekspertizası təyin edilib.

Qeyd edək ki, mərhum Zərifə Əliyevanın fotosu Denmedia.az-ın yaydığı məlumatlarda yer alıb.