İtaliyada inanılmaz olay: məhbus dördüncü dəfə “örtük kəndiri” ilə qaçdı
saida
İtaliyada “qaçış ustası” kimi tanınan və kriminal aləmdə məşhur olan məhbus dördüncü dəfə həbsxanadan qaçıb. Bu barədə The Times yazır.
Məlumata görə, 41 yaşlı Albaniya vətəndaşı Taulant Toma ötən həftə Milandakı məşhur “Opera” həbsxanasından qaçmağa nail olub. O, oğurluq və digər cinayətlərə görə 2048-ci ilin oktyabrına qədər həbs cəzası çəkirdi.
Toma kameradakı barmaqlıqları kəsib, çarpayı örtüklərindən düyünlənmiş “kəndir”lə pəncərədən aşağı enib. Daha sonra altı metr hündürlüyündə divarı aşıb və izsiz yoxa çıxıb.
İtaliya hakimiyyəti genişmiqyaslı axtarışlara başlayıb, küçələrdə patrullar artırılıb, sərhədlərdə əlavə nəzarət qurulub. Ehtimal olunur ki, qaçan məhbus ölkəni tərk etməyə çalışacaq.
Toma ilk dəfə 2009-cu ildə Ternidəki həbsxanadan qaçmışdı. Onun ən səs-küylü qaçışı isə 2013-cü ildə baş vermişdi — o vaxt məhbus Parma həbsxanasını həmcinslə birlikdə tərk etmişdi.
