Evdən çıxıb yoxa çıxdı: illər sonra tüstü bacasında tapıldı

Vudlend-Parkda, Nyu-Cersi ştatında, 2015-ci ildə itkin düşən 18 yaşlı Coşua Maddiksin qalıqları tapılıb. Bu barədə Ladbible yazır. Mumiya onun evindən cəmi bir mil məsafədə yerləşən tərk edilmiş daxmanın bacasında aşkar edilib.

Maddiks 2008-ci ilin may ayında qısa bir gəzintiyə çıxmış və geri qayıtmamışdı. Onun ailəsi uzun müddət gəncin sağ olduğuna və başqa bir yerdə yeni həyat qurmaq istədiyinə ümid edirdi. Yeddi il sonra işçilər köhnə daxmanı sökərkən xoşagəlməz qoxu hiss ediblər. Kaminin önünü bağlayan iri mebel əşyasını kənara çəkəndən sonra onlar Coşuanın səliqə ilə qoyulmuş geyimlərini və onun mumiyalaşmış qalıqlarını bacada tapıblar.

Mərhumun şəxsiyyəti stomatoloji məlumatlar və xarakterik xüsusiyyət — sağ əlində işarə barmağının ucunun olmaması — vasitəsilə müəyyən olunub. Bir sıra şübhəli hallara baxmayaraq, rəsmi qurumlar zorakılıq versiyasını istisna ediblər. Araşdırma və tibbi ekspertizadan sonra faciəyə səbəbin hipotermiya və ətraf mühit təsiri ilə bağlı bədbəxt hadisə olduğu müəyyən edilib. İstintaq belə nəticəyə gəlib ki, yeniyetmə bacadan düşməyə çalışarkən orada sıxışıb qalıb.

DenMedia.az