Kürdəmirdə fərdi yaşayış evi yanıb : Vətəndaşa 30-40 min manatlıq ziyan dəyib-VİDEO
nizami
Kürdəmirdə yanğın hadisəsi qeydə alınıb.
DenMedia.az-ın yerli bürosu xəbər verir ki, hadisə rayonun Mürtülü kəndində kənd sakini Cəbrayılov Ağacan Bəylər oğluna məxsus fərdi yaşayış evində baş verib.
Məlumata görə, ümumi sahəsi 80 kvadratmetr olan 1 otaqlı və aynabəndli evin 20 kvadratmetrlik otağı içərisindəki yanar konstruksiyalarla birlikdə yanaraq yararsız hala düşüb.
Hadisə yerinə Fövqəladə Hallar Nazirliyinin Kürdəmir rayon Dövlət Yanğından Mühafizə Hissəsinin qüvvə və texnikası cəlb olunub. Yanğın söndürülüb və alovun digər sahələrə keçməsinin qarşısı alınıb.
İlkin ehtimala görə, yanğına elektrik naqillərində yaranmış qısaqapanma səbəb olub.
Ev sahibinin atası bildirib ki, hadisə baş verən anda evdə olmayıb:
“Oğlum mənə zəng edib dedi ki, tez gəl, ev yanır. Gəldim, artıq hər şey yanmışdı. Dövlət qurumları sağ olsun, köməyə gəlib söndürdülər. Amma evdə 30-40 min manatlıq ziyan var. İlin bu vaxtında kim belə vəziyyət istəyər? Heç kim. İçəridə üç nəfər yaşayırdı. Xoşbəxtlikdən xəsarət alan olmayıb.”
Faktla bağlı araşdırma aparılır.
Aqil Əsədov
Denmedia.az
